Ich Gotfrid vo(n) Wyldu(n)gsmaur(e) vorgich vnd tu(o)n chu(n)t alle(n) den di disen prif sehen od(er) horen
lesen daz ich wid(er) den erby(er) h(er)rn h(er)n Fridreiche pta(r)r(er) ze stayn pharr(er) sand petronel hab guchauf
de(n) zehe(n)t ze Wyldu(n)gsmaur(e) nach gotes purt dreuce(n) hu(n)d(er)t vnd einz vnd dreissigiar mit alle(n)
reht(e)n nu(e)tz zeu zbayn iar vm zibe(n) phu(n)t pheni(n)gge reht vnd redleich vo(n) piderp leuten also tu(o)n ich
geleiche wen di selbe(n) zbay iar ausgen daz de(n) zehe(n)t l(e)dig vnd vnchu(m)ert sei daz
di red stet vntz(e)nt(e)n sei dar vber gib ich vorgna(n)t(er) Gotfrid meine(n) prif mit meine(m) insigel vnd
d(er) prif ist g(e)be(n) nach vorgna(n)t(er) purt vns(er)s h(er)r(e)n M CCC XXXI iar vnd d(er) ist gezeu(n)g h(er) ot
d(er) dechant vo(n) pritz vnd d(er) p(ro)bst nidas vo(n) r(e)g(e)nsp(u)rg